Ang mga kahoy sa dalan M. Velez

Dili kapugngan ang kaugmaran. Dili usab kapugngan ang pag-explode sa population bisa’g unsaon nato paghingusog ang birth control, ug bisan og tabonan pa nato og mga condom ang tibuok nasud.

Labaw pa nga dili nato kalikayan ang pagpamutol sa mga kahoy, to give way to development. Sa ato na nga giingon, nagkadaghan ang populasyon, resulta nga nagkadaghan usab ang mga sakyanan, apan, dili na kita makapalapad sa tanang dalan sa dakbayan.

Busa, some of the trees have go. Unless atong pugngan ang development. Unsaon, ang nananom sa maong mga kahoy sa una nga panahon, mubo ra’g panglantaw.

Wala sila maghunahuna nga in the long run, ang mga kahoy nga ilang gitanom, makasamok ra unya sa trapiko, makahahatag og inconvenience sa katawhan.

Lagmit, wala masulod sa ilang hunahuna nga sa ngadto-ngadto, ma-obsolete ra ang mga tartanilya ug mapulihan kini og mga sakyanang de motor.

Wala usab sila mag-imagine nga moabot na og pila ka milyon ang molupyo sa Cebu City nga niadtong panahona usa pa ka lungsod. Busa, nagpasagad lang sila’g pananom og kahoy.

Ug karon, gumikan sa maong mga pagpasagad, walay urban planning, ang present generation naglalis kun, pamutlon ba o dili, ang mga kahoy nga nakahatag na og kasamok sa katawhan.

We all love trees. Kinsa guy dili. Nakahatag kini og katahom sa dapit, ug nakapa-livable kini sa Cebu City.

Apan, nakahatag usab og kasamok ug inconvenience sa katawhan. Kana lang sa dalan M. Velez, kilid sa Capitol, nakahatag og kangil-ad sa maong dapit.

Dili na beautiful ang maong mga trees. Ugly na, traffic hazard pa gyud. Out of place na gyud kaayo. Ambot ngano nga gipasagdan lang ni sa gobiyerno.

It’s now between our love for the trees and safety of the motorists and pedestrians. Utro sab ning DENR, bookish kaayo.

Alang nako, kun pamutlon ang maong mga kahoy, o i-earthball, lukahon ug ibalhin ngadto sa regional office sa DENR, ma-livable gihapon ang Cebu City, ug mas mogwapo na dihang dapita sa dalan M. Velez, and   I don’t think nga magnihit ang tubig sa dakbayan.

Landong? Kinsa may magpalandong diha? By the way, ang dakong garbage truck sa Guadalupe, naana pud sa dalan mag-park, sa gabii baho kaayo ug natural, makasamok sa trapiko.

Illegal parking man ni, ngano nga dili man dakpon sa mga tinugyanan sa trapiko ang drayber niini ug i-impound ang sakyanan?

Exempted diay sila sa mga traffic rules and regulations?