Ekonomikal nga plantsa

Matud sa pinoy imbentor nga si kanhi maestro sa Albay, Rodulfo B. Biescas. “Ang panginahanglan dili maoy inahan o tinubdan sa mga imbensyons, kay daghang naimbento nga naghatag lang og mga kadaut.”

Siya’y nagmugna sa , ‘IRONMATE’, usa ka plantsa nga epektibo kaayo’ng gamiton, tungod kay kini makatabang nga dili ka maproblema nga mabuktok sa kamahal sa bayronon sa konsumo sa kuryente.

Dili ni sama sa ordinaryo’ng mga plantsa, nga sagad nagbato’g kapasidad nga 1000-1800 watts. Nga kun nakasaksak na ni’s kuryente, permi na moandar ang konsumo bisag ‘standby’ pa’ng wa gamita kay nag-andam sa mga utawonon.

Ang “IRONMATE”, naka-patent kini sa Filipinas nga naaprobahan sa tuig 1991. Naa na’y mga prodaksyon ini alang sa merkado. Mas haytek ni’ng gamiton ikompara sa uba’ng plantsa, tungod sa ‘Innovative Features’ ini, sama sa;

* Makamenus sa konsumo sa kuryente ug luwas nga gamiton.

* Kun unsay aktuwal nga paggamit ini, mao ra sa’y konsumo sa kuryente.

“Multi-awarded’’ nga Filipino imbensyon, nga angay ikapasigarbo.

* Makonserbar o ma-‘regulate’ ang kainit sa kuryente, nga mopaus-os sa konsumo niini nga moabot sa 50-53 porsiyento.

* May ‘built-in loss’ ang plantsa, nga awtomatik nga mohunong ang kuryente nga naka-‘standby mode’ apan pabilin ang kainit, nga i-‘push button’ lang.

* Nakaseguro nga luwas (anti-shock) samtang namalantsa.

* Awtomatik mo-‘shut off’ kun malimtan sa pagpawong o pag-ibot ang ‘plug’.

* Igo ra ang gibug-aton nga dili hasol ug sayon gamiton.

* Dili kaayo mahal ang presyo kay maabot man sa masa’ng pumapalit.