Makadaog kaha si Duterte?

Hangtod karon, taliwala sa mga pamalibad ni Mayor Rody Duterte nga dili siya modagan pagka-presidente, nagpadayon ang mga tinguha sa pipila ka pundok nga mausab ang hunahuna sa mayor ug makahukom kini finally sa paglansar pagka presidente.

Sa tigum sa Quezon City, nga gipasiugdahan sa FoRD, kon Friends of Rody Duterte, ug gitambongan sa mga sakop sa pundok Bayan Ko ug Katipunan, ilang gihisgotan ang nagkagrabe nga kahimtang sa atong nasud.

Unsa ug kinsa ang makasulbad niini? Ang mga traditional politicians? Nanambong sa maong tigum, dili ang mga politiko, kondili, mga yano nga lungsoranon ug pipila ka former local officials.

Walay mga incumbents. Gihisgotan ang mga isyo sa federalism, anti-illegal drugs, environment, generation of jobs, graft and corruption, ug peace and order. Alang sa mga nanambong, si Duterte maoy makasulbad niining tanan.

“Duterte is the right man for the job,” mao kini ang naabot nilang conclusion. Si Carmen Pedrosa sa Philippine Star, nangutana: “Can Duterte Win?”  Iyang tubag: “Yes.” Apan, matud niya: “But will he win is another question.”

Sa ato pa, seguro nga mudaog si Duterte, apan, padaugon kaha siya sa mga PCOS machines? Mao kini ang dakong isyu karon. Giingon dinhi nga ang German High Court, mihukom nga unconstitutional ang  Automated Electoral System.

Ang atong gobiyerno sa Pilipinas mihukom nga mopadayon kita sa automation taliwala sa giingon nga mga unresolved questions bahin sa Smartmatic-PCOS machines.

Matud ni Pedrosa, “The machines have taken over the elections in the Philippines.” So, kun ako’y Duterte, dili ko molansar kun ang PCOS gihapon ang moihap sa mga boto.

Ug tungod kay ang mga makina mao man gihapon ang modumala sa atong eleksyon, seguro ko nga dili molansar si Duterte. Goodbye federalism!

* * *

Adunay 54.6 milyones ka botante ang narehistro sa Comelec. Bastante na kaayo ang gidaghanon, bisan kun daghan pa ang wala makaparehistro … kadtong mga naghuwat sa deadline pagparehistro nga gitagal sa Comelec.

In fact, ang maong gidaghanon, mi-exceed, nanobra sa ilang target nga 53 milyones lang ka rehistrado nga botante. Sa ato pa, kadtong wala makaparehistro, dili makausab sa overall result sa eleksyon. Busa, dili na kinahanglanon nga lugwayan pa ang registration.

Bisan si manlalaban Romulo Makalintal, giila nga election lawyer, wala makakita og katarungan paglugway sa pagparehistro.

Nagkanayon si Makalintal “The petition to extend the registration of voters with the Supreme Court should be denied for lack of merit.”