Gusto nga magminyo’g langyaw

Dear Atty. Divine,

Duna ko’y boyfriend nga British ug nagplano mi nga magpakasal pag-anhi niya sa Enero sunod tuig. Gusto niya nga ipaandam daan ang mga requirements sa among pagpakasal kay limited ang iyang pag-stay dinhi sa Pilipinas ug gusto niya nga makasal dayon kami. Apan wa ko masayod kun unsa ang akong andamon attorney ug kun unsa ang kinahanglan kun kami magpakasal. Unsa may angayan nako nga buhaton? Unsa may requirements kun kami magpakasal ug asa man ko moduol nga ahensya sa gobiyerno? Unta imo ko nga matabangan. Daghang Salamat. —Jessica

Dear Jessica,

Kun magpakasal mo dinhi sa Pilipinas kinahanglan ka nga mokuha og marriage license sa Local Civil Registrar diin ka nagpuyo. Adunay mga dokumento nga imong i-submit sa Local Civil Registrar aron ka makakuha og marriage license sama ning mosunod: Birth certificate gikan sa NSO, Cedula, Barangay  certificate, Certificate of no marriage or Cenomar gikan sa NSO, Valid ID, kun imong edad 18 to 24 anyos kinahanglan og appearance sa imong parents ug ilang valid ID. Sa habig sa imong pamanhonon kay langyaw man siya, kinahanglan nga mo-submit siya og xerox sa iyang passport, date of arrival sa iyang passport, Legal Capacity, issued by their diplomatic official in the Philippines, certificate of no marriage or Cenomar from NSO ug kun Divorced, copy sa Divorce decree ug kinahanglan nga kamo motambong sa seminar nga ilang ipahigayon alang sa mga magminyo. Kun may marriage license na kamo, mao kana ang inyong isubmit sa mokasal ninyo sa simbahan, sa korte or sa mayor, depende kun asa mo magpakasal. Thanks and God Bless. —Atty Divina

Alang sa inyong pangutana may kalabutan sa problemang legal, ipadala lang sa Legal Corner sa Banat News sa V. Gullas St.,  Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.