Basta Pinoy, dili gyud palupig sa katalagsaon sa iyang talento. Sama ni Atoy Llave, nga daghan na'g kaugmaran mahitungod sa mga sakyanan. Matud niya,
'Walay dili mahimo sa Pinoy'. Siya'y nag-imbento ug utok sa paghimo'g traysikol, nga mahimong padaganon sa yuta ug dagat.
Diskubre kini sa usa ka Pinoy, isip unang 'amphibious tricycle' sa kalibutan. Haska'ng lingawa sa grupo ni Atoy, dihang malampuson nila gilusad ang 2ka 'prototype' o modelo'ng traysikol nga 'Salamander' - ang 'electric-3kw' (battery power) ug ang '250cc motor (gas power).
Namugna ni'ng ideya ni Atoy, gumikan sa kahingawa niya sa kaliwat niyang mga Pinoy nga nahasol kanunay lunopan sa tubig ang Manila, panahon sa bagyo o grabeng ting-ulan. Nga daghang nabalda sa inadlaw nila'ng gimbuhaton. Bisa'g unsa na la'y mga diskarte nga di maumog sa tubig-baha.
Kini na ang sulbad, nga moabot ang panahon, nga mahimo ning komon nga sakyanan sa pagbiyahe, nga sayon na sab pagtabok-tabok sa dagat, ngadto sa kasikbit nga gagmay nga ka-islahan. Makalingaw sab ni's mga turista, nga morag nagsakay'g taksi sa dagat, kay masakyan ni'g 5ka tawo.
Sa pagkakaron, gidebelop ni'g pag-ayo uban sa iyang partner nga mao ang H2o Technologies. Nakapatent na kini sa Pilipinas. Naghulat sab sila sa buot mosuporta nga gikan gobiyerno o mga pribadong imbestor nga maprodyus kini sa local o alang sa distribyusyon sa kalibutano'ng merkado.
Kulang man kita og kuwarta, apan anaa pa'y dagha'ng mga imbensyon, nga naitampo sa kalibutan, nga hangtud karon nagpabilin ang kontrobersiya sa pagpahinungod sa kredito. Unsaon nataligam-an man ang paghugpong sa mga imbentor nga kahataga'g igong proteksyon alang sa pagpalambo niini.