Sa ato na’ng nahisgutan, mora mabag-ohan ta sa panungog ini’ng ‘Gua-Sha’ nga masahe.
Sa pagkakaron, aduna na’y pipila nga nagpraktis ini, sama sa mga ‘naturotherapist’, ‘accupuncturist’, ug uban pa’ng natural healers o mga doctor nga adunay kombinasyon sa pagpraktis og mga ‘natural alternative medicines’.
Kun kini ra’y ipukos mo sa pagkat-on, dali ka ra makamao niini, pero mas maayo makahibawo ka sab sa mga ‘meridian points’ o mga sentro sa punoan sa nagsanga’ng kaugatan, diin sagad natrapik ang agianan sa dugo.
Yano ug simple ra ni tun-an kay di man kini komplikado, gawas lang kun dili ka seryuso niini.
Sulaye una ang pag-andam sa bugtong mo’ng himan, ang hamis nga bisan unsa nga metal, poselana, ceramics, bildo, ug sungay.
Nga porma og lapad nga linginon ang daplin ug may nakaporma’ng mohaom sa kurbada nga bahin sa lawas, sama sa kilid, paa, liog. Unya mag-andam ka sab og bisa’g unsa’ng klase sa lana o panghaplas. Mas maayo coco oil o olive oil, medyo molumoy ang panit.
Dayon, magpraktis ka’s adunay nanakit ang likod sa lawas apan imo una’ng haplasan og lana nga igo lang mosapnot sa direksyon nga paubos la’ng tag-4-6 pulgada, balik-baliko’ng kagoson sa himan mo hangtud mamula ang panit. Ayaw’g kahadlok sa makita’ng mora’g mga pula’ng labhag o ‘birthmarks’ o ‘red rashes’.
Timailhan na’ng nangapulpog na ang bara ug nakabiyahe na ang dugo. Kun may makita ka’ng ‘bluish gray’ o lagumon, nagrabehan na’ng parteha sa lawas. Apan tana’ng labhag mangapapas ra na sud sa 2-4ka adlaw, apan nawala na’ng panakit. Ang problema lang di pa ta kaigo sa ‘meredian o choke points’, ang sentro’ng trapik sa bara, aron mapresyura’g gamay mawa dayon ang panakit.
Hinuon, madugayan makamao ra mo ini, apan mas maayo’ng maniid mo’ng adunay mga eksperto na, nga detalyadong motudlo sa masahe nga ‘Gua- Sha’.