Nahimong Sentro sa Ministeryo ni Papa Francisco ang mga kabus ug gani iyang gihimo ang iyang pagkinabuhi ingon nga sanglitanan sa kinabuhing yano ug simple. Ang kinabuhing yano nagasukad sa pagkahimong kontento sa bisan unsang giandam ug gitagana sa Dios alang kanato. Ang hagit ni Papa Francisco mao nga di mahitabo ang tinud-anay nga pag-ebanghelyo kun hawa ang mga kabus sa maong pagsangyaw. Dili kini mahitungod sa resulta, mahitungod kini sa proseso.