Ngano ang babaye dunay mga balhiboon og lawas sama sa lalake nga sagad mga balhiboon sab ? Kini gumikan sa lawas nga adunay taas nga lebel sa 'androgen hormone'. Mahimo sad nga kini ila'ng kaliwat o 'genetic factor'. Hinuon naa na'y daghan natural nga paagi, nga nahisgutan na nato ug ania pa'y uban;"
* 'Egg mask' — Ang 1ka itlog nga puti lang, 1ka kutsara nga asukar ug ½ sa kutsara nga 'corn starch' , isagol ni'ng tanan og batilon, hangtud molaput o mapasta. Ighuman butangan ang nawong nga balhiboon. Kun mouga na, laksi-a o kalita pagtangtang ang nipis nga maskara.'
* Asukar/ Molasses / lemon juice — Usa kini ka 'homemade wax'. Ang 1ka tasa sa asukar, ibutang sa panaksan ug butangan og molasses nga igo lang maimabwan ini ang asukar. Pasagdi kini sa pipila ka minutos. Dayon painiti o ibutang sa 'microwave oven' sud sa 2-3ka mins. o hangtud matunaw ang asukar, unya idugang ang 'lemon juice', nga kutawon pag-ayo. Usbi'g init 2-3 mins kun angay pa'ng masagol og maayo. Pabugnawa nga init-init pa'ng ibutang kini sa panapton nga ibangan o sa 'waxing strip', nga ig-uga dalion dayon sa pagtangtang.
* Yogurt / Gram flour / Turmeric powder — Tag 2ka kutsara ang yogurt ug gram flour ug ½ sa kutsarita sa turmeric powder, sagola'g maayo nga molaput. Dayon, butangan ini ang nawong ug paugha. Unya inanaya paglugod nga mangatangtang na kini. Ang kanunay pagamit ini, sud sa pipila ka buwan, maka-permanente na'ng mawala ang mga balhibo.
* Turmeric powder ug Dahon sa Neem tree — Lusonga ang mga dahon sa neem tree hangtud mapasta o molaput, nga sagolan sa turmeric powder, unya butangan ang parte ug paugha, dayon ukala o tangtanga.