Gipabalik sa Immigration

Dear Atty. Flores,

Niadtong Agosto, molarga unta ko sa Singapore. May round trip tickets ug hotel accommodation na ko nga good for 3 nights. Ang akong boyfriend nga usa ka Australian maoy migasto sa biyahe kay adto unta mi magkita sa Singapore. Sa diha nga didto na ko sa Immigration, wa ko nila tuguti nga makagawas sa airport kay wala kuno  ko’y kapasidad nga mo-tour kay wala ko’y trabaho ug matud nila nga dili puwede nga mo-tour ko kun boyfriend ra ang nag-sponsor ug dili relatives ang nag-invite nako. Daghan sila og pangutana ug ako sila nga gisultian sa tinuod. Apan wala g’yud ko nila pagawasa sa airport ug gipabalik ko sa agi. Wala ba diay ko’y chance nga makabiyahe sa gawas sa nasud attorney samtang dili pa mi kasal sa akong boyfriend? Naa ba g’yud sila’y right nga di ko pasudlon sa Singapore bisan may ticket nako para balik, hotel ug passport? —Tricia

Hi Tricia,

Ang Singapore bisan kun passport ra ang kinahanglan sa pagbiyahe ngadto, strikto kaayo na sila sa mga turista tungod ‘sab sa ubang turista nga moadto sa ilang nasud apan dili mamauli kay mangita og trabaho. Kini maoy hinungdan nga ila g’yud nga tan-awon kun aduna ba g’yuy intention nga mobalik sa iyang nasud ang turista ug usa sa pruweba sa imong intention nga mobalik g’yud ka sa Pilipinas kun ikaw adunay trabaho o negosyo or profession. Ang Immigration officers tungod kay anaa ka sa ilang territory duna’y katungod nga mopa-deport nimo bisan pa kun aduna kay passport ug tickets so sila ang magbuot pasudlon ka ba sa ilang nasud o dili. Kun gusto ka nga mobiyahe mas maayo nga adto ka sa mga nasud nga dili kaayo estrikto sama sa Hongkong ug ubang nasud sa Asia, but of course, kining tanan magdepende g’yud sa Immigration kay sa atong airport pa lang daan pangutan-on ka na daan sa Immigration kun unsa ang imong purpose sa pag-adto sa maong nasud. – Atty Divine