Sa akong pagtan-aw sa Televised Report sa nahitabo sa CPDRC duna toý usa ka female inmate nga niasoy kalabot sa usa ka elemental (sama sa engkanto) nga nigakos ug nihawok niya dugay na sa dihang wa pa mahitabo ang mass demonopathic Hysteria Madness (DHM). Usa kini ka Psychological condition diin ang hingtungdan kun ang alleged victim ang adunay auto-suggestion nga siya mismo ang nakasinati og Demonic Possession. Ug ako nga gipatawag niadtong tungora ang mainampingon nga dili dayon mo-take recourse sa gitawag natong deliverance o minor exorcism sanglit mahimong usa kini ka negative re-inforcement nga makapahimong grabe sa sitwasyon ug gani makapahimo sa hingtungdan nga maboang hinuon sa dayon.
Ang Roman Ritual for Exorcism ang nidasig nga puposon ang tanang hinungdan (Psychological, Physical, Spiritual) sa dili pa ideklarar ang maong hitabo ingon nga certified case of Demonic Possession. Hinuon dinhi sa ato dili kaayo ingon ana kadaghan ang kaso sa Certified Case of Demonic Possession. Ang kasagaran mao nga daghan nato ang nigambalay og mga IMAGINARY SATANS diha sa ilang imahinasyon nga maoy hinungdan kun nganong nahaling ang ilang KAHADLOK nga maoy moresulta og Imaginary Apparitions ug Imaginary Voices diha sa ilang galamhan.
Mahimo kining grabe kun tugotan nato ang atong imahinasyon nga maoy modumala sa atong kinabuhi. Alang nako ang tanan kinahanglan nga magsukad sa positibong panghunahuna o positive psychological conditioning. Nga sa ato pa, kun maghisgot kita og Exorcism and Deliverance it is not an arrogance display of divine power but of divine love. Sa laktod ang eksorsismo dili alang lamang sa Yawa nga maoy gihatagan og highlight sa atong mga pelikula kondili mahitungod kini sa Dios ug sa iyang gugma nga dili mahimong buntogon sa bisan unsang gahom sa kangitngit...