Dear Atty. Divine,
Nagbuwag mi sa akong bana su’d na sa 15 ka tuig. Milakaw siya nga wa mananghid ug wa na mopauli. Tulo ang among anak ug ako ra g’yud ang nagbuhi sa mga bata ug nagpa-eskwela kanila hangtud nga ang akong eldest nag-college na. Ang mga ginikanan sa akong kanhi bana wa ‘sab sila masayod kun hain na siya kay wa ‘sab kini mokontak kanila. Naa ko’y live-in partner karon attorney nga gusto unta nga mopakasal nako. Gusto unta nako nga ipadeklarar ang akong na-missing nga husband nga patay na aron ako makaminyo pag-usab. Unsa may akong buhaton? — Melanie
Dear Melanie,
Kun ikaw nagtuo nga ang imong bana nga na-missing su’d sa 15 ka tuig patay na g’yud, mahimo ka nga mopasaka og petition sa korte “for the declaration of presumptive death” sa imong bana . Base sa balaod, ang na-missing nga kapikas mahimo nga ideklarar sa korte nga patay na aron makaminyo ang nahibilin nga kapikas kun siya na-missing su’d na sa upat ka tuig, apan kun ang iyang pagka-missing naglakip sa danger of death sama sa gubat o pagkalunod sa barko then mahimong duha ka tuig ra ang basehan aron siya madeklarar sa korte nga patay na. Adunay hearing nga pagabuhaton ang korte nga diin ikaw mopresentar og mga ebidensiya nga mopamatuod nga imo g’yud nga gipangita ang imong bana apan bisan pa sa imong paninguha wa g’yud nimo siya makit-i ug ikaw nagtuo nga siya patay na. Kun imo nang maprobahan sa korte then maaprobahan ang imong gipangayo ug kun madeklarar nga “presumptively dead” na ang imong bana, mahimo ka na nga makaminyo pag-usab. Thanks and God Bless. – Atty Divine