Nakapalit og portion lang sa yuta

Dear Atty. Divine,

Duna ko’y napalit nga yuta apan portion lang. Titulado kining maong property. Ako na nga na-process ang papeles sa BIR ug anaa na ko’y Certificate Authorizing Registration (CAR). Unsa may sunod nako nga buhaton aron mahatagan ko og separate nga Tax Declaration ug separate nga Title sa portion nga akong napalit? — Gina

Dear Gina,

Ang sunod nimo nga buhaton mao ang pag-submit sa imong Certificate Authorizing Registration ngadto sa Assessor’s Office sa lugar diin mahimutang ang maong property aron sa pagbayad og Transfer Fee. Human sa imong pagbayad og Transfer fee, mahatagan ka na nila og separate nga Tax Declaration sa portion nga imong napalit. Human niini, imong iduso ang mga dokumento ngadto sa Register of Deeds diin mahimutang ang maong property ug mo-request ka sa pagpa-issue og separate Title. May additional requirements ang Register of Deeds aron ikaw mahatagan og separate nga Titulo sama sa Survey nga aprobado na sa Bureau of lands ug kinahanglan ‘sab nimo nga i-submit ang original nga title sa yuta kay mo-issue man sila og bag-o nga diin ang portion nga imong napalit ubos na sa imong ngalan ug ang remaining portion ngadto sa panga’n sa registered owner nga maoy nagbaligya kanimo. Hinaot nga akong natubag ang imong pangutana. Thanks and God Bless. - Atty. Divine

 Alang sa inyong pangutana may kalabutan sa problema’ng legal, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column mata’g Miyerkules ug Domingo.