Suwerte nga demalas

Kadto’ng igsuon ko’ng babaye nga maoy kinamaguwangan namo nga 18 kami’ng  5 na la’y nabuhi. Wala gyud ko makamatikod nga problemado ang dagway, kay unsaon nga kinaiya man niya nga kanunay lang nagtisngi nga mapahiyumon. Apan mabasa nako sa mga mata nga aduna’y nagpahipi nga gibati’ng kahingawa o kabalaka. Buot niya ipakita kanamo ang iya’ng kalig-on.

Lalim mo na nga 7ka buok ang anak niya, makahimo pa siya sa pagpasiaw bisa’g nahibalo kami nga labihan kini’ng gihamok sa dagha’ng kalibog. Kami ang naproblema nga wala siya matandog sa dagha’ng demalas niya sa kinabuhi. Bisa’g unsay diskarte’ng buhaton niya mapalso gayud, may gani di siya molunga.

Sa Manila, ang 10,000 pesos di mapaigo ang sweldo sa bana niya isip ‘family driver’ nga gabii na makapauli sa balay. Ang asawa tawon mona’s ginhawa’g kamas sab sa gabii’g adlaw. Mosuroy nga bisan unsa na la’y mabaligya basta makaganansya, aron dunay ikasustener sa inadlaw nila’ng panginahanglan.

Nisamot kapait ang demalas, kay nasakit ang bana niya’g pulmonia o TB. Gipapahuway kay hadlok nga makatakod. Demalas pa gyud kay wa’y gipabawon. 

Unsaon ang amo’ng intsek, naadik sa sugal, tanan apilan nga wa gyu’y nadaug. Diha kadto’y ulahi’ng mga tikit sa lotto, jai-alai, swepstik,  uban pa, nga natigum ra’s ‘clutchbag’ niya. Gikalingawan niya’g utingkay namasin nga may mahagdaw.

Sa laktud, wa siya masayop, kay may tiket nga nakadaug og milyones nga iyang nakubra. Napalambo ang negosyo nila ug nakapatukod pa’g taro’ng balay.

Haskang demalasa, nahibaw-an ni sa intsik ug gikiha sila’g pangawat tungod kay buot bawion ang nadaug nga milyones apan napildi sa korte ang intsek.

Demalas man nga napahawa siya sa trabaho apan may katumbas kini nga swerte, kay mituo sa Dios nga mao’y magtugot og igo lang kita sa pagdawat.