Simple apan makahuloganon ang gihimong Konsagrasyon sa pagka-Obispo sa among Team Moderator Bishop Dennis Villarojo. Way daghang kuskos balungos. Mubo ra ang wali ug maampoon ang rito. Sa akong kwenta wala molapas og duha ka oras ang seremonyas. Sa panapos nga bahin sa Seremonyas ang Bag-ong Obispo nihatag sa iyang mensahe. Diin gikutlo niya ang mensahe sa usa sa iyang mga estudyante. Kini adunay kalambigitan sa mga pulong: you Deserve it! Continue the Good Work. Kun maghisgot kita og Deserve it alang niya nagpasabot kini nga kitang tanan ni deserve nga higugmaon sa Dios tungod kay mga anak man sa Dios dili tungod sa atong kaugalingong katakus kondili tungod sa grasyang Diosnon. Continue the Good Work ang nagkahulogan og lihok sa Ginoo ug natural lamang nga ang Ginoo maoy motiwas niini pinaagi kanato. Consolamini Popule Meus (Is. 40;1) Console my People. Hinaut nga kini ang matuman sa iyang pangalagad isip Obispo Auksilyar sa Sugbo...