Mga pagkaon sa diabeteson (1)

Kun aduna ka ma’y diabetes, mas maayo nga makat-on ka unsay maayo nga pagkaon, aron maalibyo o dili magrabe’ng mokomplikar ang diabetes mo. Daghang makaon nga angay nimo apan magmatngon sab di magpalabi’g kaon. Kay unsa man kini kamaayo apan kun masubraan, makadaut gihapon. Ania;…

* Oatmeal – taas ni’g ‘soluble fiber’, pagpalangay nga hilison ang giproseso nga ‘carbo’s’. Ang pagkaon niini, inanayon ipagawas sa dugo nga di mosaka ang ‘bloodsugars’..Sa mga pagtuon, 4 ka kaonan o pagdalit niini kada adlaw, makapamenus kini sa risgo nga 30%, ug aron sab nga makontrol ang diabetes.

* Cinnamon – matang sa tam-iso’ng lamas, nga nagbato’g ‘compound’ nga ‘hydroxychalonec’, aron patrabahoon ang insulin sa selyula, nga maoy motuhop sa ‘bloodsugars’. Kini matud pa’s University of California, nga ang ½ ngadto sa 1 ka kutsarita niini nga pinulbos kada adlaw igo na mopaubos sa ‘bloodsugars’.

* Grapes – prutas nga ubas kini, nga matud pa sa 2013 British Medical Journal, ang 2 ka kaonan o pagdalit niini nga tibuok lab-as sa ubas, makatabang sa pagmenus sa risgo nga 23% nga ma-diabetes-2, apan kun magpalabi niini, ilabi na sigi’g inom og ‘grape juice’ mosamot ang diabetes ug mokomplikar pa g’yud.

* Olive oil – Matud sa Spanish study, ang pag-inom o pagkaon niini nga mata’ng sa ‘monounsaturated fats’, ang 1 ka kutsarita niini sa sayo’ng buntag o pamahaw, makatabang na kini sa tibuok adlaw, niadtong aduna’y diabetes.

* Beans – Mga utanon o lagutmon kini’ng may mga liso, nga sa pagkaon niini aduna kini kombinasyon sa carbo’s, protina, ug ‘soluble-fiber’. Matud sa Archives of Internal Medicine, kadto’ng mokaon niini, makalikay sab sa sakit sa kasingkasing.