Pamalandong sa Semana Santa
Teksto: Juan 12;1-11
Makahuloganon kaayo ang gihimong pagdihog ni Maria sa mga tiil ni Jesus. Nagsimbolo kini sa iyang dakong gugma ngadto sa iyang magtutudlo. Ang humot nga baho ang nagpadayag lamang sa iyang dakong tinguha nga ipakita ang maong pagbati ug pag-alima ngadto sa iyang magtutudlo. Sa laing bahin, anaa si Judas kunohay nihimo og pagsupak kay lagi ang maong pahumot mahalin man sa mas dako nga presyo ug nga ang halin mahimo kunong ihatag ngadto sa mga kabus. Si Maria lamang ang nakaalinggat sa personal nga bili ni Jesus. Sa atong kinabuhi, usahay kita nahimong uga ug nawalay pakialam sa atong palibot. Tungod sa atong tinguha nga mahuman nato ang tanan, mao nga wala kita makagahin og panahon sa uban. O dili ba kaha kay nikaon kita og tagam sa matag higayon nga mopakita kita og affection apan ang maong affection ang wala na suklii og affection ang nakapaluya kanato ug nakapahimo kanatong withdrawn gikan sa uban. Kini tungod kay nakaamgo kita nga sila nahigugma kanato tungod sa atong functionality ug dili sa atong value. Sama gud sa pag-ampo, atong gisangpit ang Ginoo tungod kay dunay panginahanglan ug mogahin kita og panahon sa kahilom labina sa mga higayon sa atong kasakitan. Apan panahon sa kalipay, daw sa pakapin ang Ginoo alang kanato.Nagmapasalamaton ba kita sa mga ginagmay'ng kaayo nga gipakita sa Dios kanato pinaagi sa ubang mga tawo? Ato ba kining gisaulog? o nagdumili kita pagsabot niini tungod kay ang atong kaugalingon lamang ang atong gitan-aw ug gihimong basehan? Sa akong habig, mas nakita kong epektibo nga mohimo og pagluklok sa suok sa self-introspection. Kini tungod kay ako nakaamgo nga mahimong ako duolon, higugmaon dili tungod sa akong bili kondili tungod sa akong mahimo.... Ingon ana kamapahimuslanon ang tawo ug gani usahay apilon pa ang Ginoo.