Ang krus

Ang krus sa matang tawhanon simbolo sa kapildihan ug kaparotan apan alang sa mga mata sa pagtuo ang krus simbolo sa kadaugan ug kinabuhi kay pinaagi lamang niini nahimo kitang naluwas gikan sa kaulipnan sa atong mga sala. Ning atong pagsugod sa Semana Santa kita gipahinumdoman sa atong dakong hagit nga mosulod diha sa kinabuhi sa pagpamalandong kun nahimo ba natong natugbangan ang mga pagsakripisyo nga gipakita sa atong Ginoo ngari nato. Kay sa matag higayon nga kita magpakasala nahimo kitang maluibon sa Dios nga nipabuhagay sa iyang gugma ngari kanato. Ning panahon sa Semana Santa, panahon karon sa paghilom ug pagpamalandong. Mahinungdanon ang  STOP (Silence, Think, Open, Prayer).... Kay diha sa kahilom atong makita dili lang ang Ginoo kondili hasta na sab ang atong kaugalingon ug ingon ana ba kita kahamtong sa atong gugma ug kaandam sa pagdawat sa atong tagsa-tagsa ka mga krus sa atong kinabuhi.