Mga remedyo sa artraytis (1)

Sa kadaghang remedyo sa pagpakupos o pagpakalma sa panakit sa artraytis, ato lang gipili ang gituhoan natong mas mohaom o epektibo kining mopahupay. Di man sab managsama ang gikusgon sa iyang kaepektibo, kay lainlain mag matang sa 'genetic' kemikals ang anaa sa atong lawas. Busa gamiton ang sentido komon nga panid-an o sulayan gyud ang mas epektibo.

* FLAXSEED — Ang  pinulbos nga liso sa flax, usa ni ka tanom nga maayong tinubdan sa 'Omega-3' (ALA), nga mahinungdanon sa pagpalig-on sa ' immune system' sa lawas ug alang pod kini sa pagsanta sa pamula o panakit (inflammation) sa artraytes. Idugang sa tingkaon mo ang 2 ka kutsara ini. Apan kun duna kay problema sa pagkalibang, flaxseed oil o lana sa liso sa flax maoy gamita, nga dili mo kini initon. Aron sad dili mogahi ang hugaw nimo.

*DULAW o luy-ang yellow (turmeric) — Epektibo kaayo ning herbal sa pamula o panakit (anti-inflammatory) sama sa artraytis. Nagbaton kini’g 2 ka kemikals sa tanom (curcumin ug curcuminoids) nga makahupay sa kaitok o makapasong kasakit. Mag-init og tubig nga inigbukal ilunod ang 2 ka buok ini (kumagko ang gidak-on o kalkuloha lang), pahinayan sa kalayo pahungawa’g gamay sud sa 15-20 mins. Salaa og pabugnawa nga imnon sama sa tsa. Imna  30 mins sa dili pa mokaon o moisnaks. Ihinubig ni basta may gikaon ka.

* SILING KULIKOT (hot pepper) — Nagbaton ni og birtud sa pahupay sa sakit o labad sa ulo (analgesic) ug  pamula panghubag (anti-inflammation), aduna ni taas nga bitamina-C. Ang 'capsicain' niini gituhoan maoy makahupay. Magtumar ka’g 3 ka buok siling pula (ayaw usapa) patabani og daghang tubig. Apan kun may almoranas o ulseron, ayaw paggamit  sa sili kay makapasamot.