Teenage mothers

Mura’g ordinaryo na kaayo karon nga ang mga babaye sayo kaayo’ng manganak. Tingali ang atong mga batan-on karon, nainpluwensya sa ilang makita sa mga salida sa sine ug telebisyon, ug sa ubang mga moderno’ng kahimanan sa media.

Ang United Nations miingon nga matag tuig sa tibuok kalibutan, kapin sa 16 milyones ka batan-on nga nag-edad gikan sa 15 ngadto sa 19, ang manganak, mi-engaged og pre-marital sex, nahimo’ng mga teenage mothers.

Nakapabalaka kini sa kadagkoan sa simbahan. Sa mga pagtuon nga gihimo sa University of the Philippines, nakita nga dinhi sa atong nasud, “on the rise” usab ang kaso sa pre-marital sex.

Kining maong alarming nga kahimtang, matud ni Fr. Conegundo Garganta sa Catholic Bishops’ Conference of the Philippines (CBCP), “the report should be a wake-up call for the various sectors of society to coordinate their actions to address the    problem.”

Kinsa man ni nga mga sectors? Una sa tanan, ang mga ginikanan, dayon ang mga tunghaan, ang media, ang simbahan, ug ang katilingban mismo. Ang sitwasyon may kalabutan sa issue on moral values. Gikinahanglan ang education.

Kinsay mouna? Unsa nga sector ang mopasiugda? Lisud ang pag-coordinate. Hinungdan nga wala kita’y makita nga immediate solution ni’ng maong problema. In the meantime, sige nga “on the rise” ang gidaghanon sa mga teenage mothers.

Matud sa Population Commission (PopCom), nakadugang lang ni sa population explosion sa atong nasud, ug sa pagdagsang sa badlongon nga kabataan nga naglaroylaroy sa kadalanan.

Si Pope Francis mismo mipahimangno: “to resist idols of money, power, and pleasure.”

Kun kita’ng mga hamtong maglisud pag-resist sa kamadanihon sa salapi, gahum ug kahilayan, unsa na kaha ang atong mga batan-on? Pleasure, lisud balibaran, lisud talikdan, lisud likayan. Gani, ato pa man gani kini’ng pangitaon.

Ug kini’ng maong mga idols maoy atong gipuli sa Ginoo. Wala na’y labut ang Ginoo sa atong kinabuhi. Ug lagmit mao na kini ang nahipatik sa alimpatakan sa mga batan-on nga nahitumpawak sa tumang kahilayan.

Mipadayon si Pope Francis: “It is true that nowadays, to some extent, everyone, including our young people feels attracted by the many idols which takes the place of God.”

Dugang niini, gawas sa kapin sa 16 milyones nga mahimo’ng teenage mothers matag tuig, adunay laing 3.2 milyones nga mga teenager magpa-abort.

Pastilan. Indeed alarming kining maong sitwasyon. apan, wa’a man kita’y nakita’ng mga paningkamot to address the problem. Ato lang ni’ng pasagdan?