Bililhon kaayo alang sa mga Judio ang Templo. Kini ang ilang identification ingon nga nasud ug ingon nga katawhan. Bisan pa man kun nawala na ang estraktura sa templo apan hangtud karon, kini gihapon ang pabilin nilang gihandum. Sa laing bahin ang Templo nahimong sentro usab sa ekonomikanhong kalihukan. Mao kini ang hinungdan kun nganong dunay mga patigayon didto sa templo sa dihang gihimo ni Jesus ang iyang pagpanghagis.
Dili supak ang atong Ginoo sa maong kalihukan. Ang wa lang niya mauyoni mao nga dunay mga pang-abuso nga nahitabo. Ang Templo nga balay unta sa pag-ampo ang nahimo hinuong dapit sa komersiyo. Nasakripisyo ang diwa sa tinud-anay nga pag-ampo. Tungod sa mga nanggawas nga mga kahasol nahimong daw sa haguka ang pag-ampo. Sayud ang Ginoo sa linugdangan sa maong buhat. Apan bisan pa niini, iyang gihimo nga matuman ang bisan unsay iya sa Diosnong pagbuot. Ang implikasyon niini sa atong kinabuhi mao:
A. Matag adlaw kahigayonan sa pagsulod sa presensiya sa Dios diha sa Pag-ampo ug pagpamalandong bisan wala ang estraktura.
B. Ning panahon sa kwaresma mahinungdanon kaayo ang paggahin og TIME and SPACE sa Pag-ampo ug pagsulod sa Presensiya sa Dios.
Kini ang kahulogan sa Contemplate gikan sa pulong CON-TEMPLUM with the Temple. Ang Pagsulod sa Presensiya sa Dios.