Dili lang usa ka pisikal nga suliran ang sanla diha sa konteksto sa mga Judio. Ang sanla adunay liturhikal ug relihiyosong implikasyon usab. Kini ang hinungdan kun nganong ang pari lamang kaniadto ang adunay katungod sa paghiling ingon man sa pag-authenticate kun ang tawo naayo na ba sa sanla ug busa puwede nang makasalmot sa liturhikanhong mga kalihukan. Ang mga sanlahon gi-isolate nila gikan sa katilingban. Sa dihang si Jesus niayo sa sanlahon iyang gihimo ang limbationg paghikap nga maoy simbolo sa pag-abot mismo sa kinabuhi sa sanlahon sa mas personal nga paagi. Ug wala lang niya ayoha ang sanlahon, iya pa gyud gibalik sa naandang liyok sa tawhanong kinabuhi. Diha sa atong kinabuhi adunay daghang mga sanlahon apan hinuon dili lang sa pisikal nga aspeto kun dili sa laing bahin usab. Sa matag higayon nga ma-branded ang tawo ug atong likay-likayan siya sama sa usa ka sanlahon nga atong gidid-an nga mamahimong kabahin sa gutay sa atong pagkukabildo ingon nga tawo. Maantigo unta kitang maabot sa atong mga kamot nga sama sa uban ang natakboyan usab og espirituhanon o dili ba kaha moral nga sanla ug nagkinahanglan og kaayohan.