Kining 'uric acid' usa ni ka hugaw nga kemikals mugna gikan sa mga "chemical compound" human mga sustansya ini nahimong laing produkto nga mao ang 'purines'. Naa ni sa dugo paingon sa kidney para igawas. Kinahanglan hingpit gyud kini ipagawas kay kun magdaghan kining anaa sa dugo, kaunon ang mga sustansya sa dugo. Halos tanan nga pagkaon nato may mga 'purines'.
Ang 'purines' di ni matunaw, pinong asin ni (crystals) nga kun mapundo diha sa agianan sa dugo, mogahi sab ang kaugatan o mga 'nerves' nato. Mao nga una nga mamatikdan mao ang panakit sa mga lutahan. Unya, usahay may mamanhud o manakit nga parte sa lawas. Gitawag ni’g 'gout' pero di pa gyud ni grabeng matawag nga artraytis apan kun mograbe, mao gyu’y sangputan.
Tungod ini permi ka moinom og daghang tubig, likayan ang kanunay nga nanubra sa kinan-an sa mga karne, labi na’s ginhawaan sama sa atay.
Hasta pud sa pagkaong dagat (seafoods) di magpalabi sama sa pansat o hipon, kasag o lambay, isdang macherel ug uban pa. Hasta pag-inom og alcohol ug beer.
Kun magpatuyang ka ini sa pagkaon, mag-antus gayud ka nga mag-aguroy sa hilabihang kasakit nga pamation.
Mokomplikar kinig daghan pang sakit sama sa dayabetes, bato sa kidney, maglisud sa pangihi, tanang klase sa artraytis (rheumatic/osteoarthritic), atake sa kasingkasing ug uban pa.
Sa sunod maoy tukion nato unsaon ini pagremedyo ang taas og uric acid.