Asa mapunta ang kabilin sa namatay’ng igsuon?

Dear Atty. Divine,

Ang namatay ko nga igsuon walay anak ug dugay ra usab nga mipanaw sa laing kalibutan ang iyang bana. Sa akong nahibaw-an, kini’ng balay ug yuta nga iyang kabilin napalit niya diha’ng patay na ang iyang bana kay duna man kini siya’y negosyo. Ang akong pangutana, kinsa may dunay katungod nga mo-inherit sa iyang mga kabtangan sama sa balay ug yuta? Duna man go’y mga pag-umangkon nako nga nag-interest ‘sab sa iyang kabilin. Unsaon man pagbahin ang iyang kabilin? - Janice

Dear Janice,

Kun way Last Will and Testament nga gibilin ang imong igsuon unya wa siya’y mga compulsory heirs sama sa mga anak, bana ug mga ginikanan, then kamo’ng mga igsuon isip mga nearest relative maoy dunay katungod nga mo-inherit sa iyang kabilin. Ang mga pag-umangkon maka-inherit lang kun way mga igsuon ang namatay. Kun gusto ninyo’ng ibalhin sa inyong pangan ang house and lot nga kabilin sa inyo’ng igsuon, then mo-execute lang kamo og Extra Judicial Partition then pirmahan ninyo’ng mga igsuon ug dayon inyo’ng iduso sa BIR alang sa pagbayad og Estate Tax aron inyo’ng masugdan sa pag-process ang transfer ug kamo’ng mga igsuon mahimo na unya’ng co-owners sa maong property. Daghang salamat and God bless.- Atty. Divine

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules ug Domingo