Kagawasan

Ang pulong hangin adunay kalambigitan usab sa pulong Espiritu/Spirit nga dunay emphasis sa gininhawa o pagginhawa. Nasayud kita nga naay hangin, apan wala kita makakita niini. Ang hangin naghatag og kabugnaw ug sa laing bahin naghatag kanato og kinabuhi. Kun kini ang imong nakita nga talan-awon diha sa imong damgo, mahimong ato kining sabton ingon nga pahinumdom kanimo nga hatagan nimo og dugang duso ang imong mga tinguha.

Sama sa tabanog ang imong ambisyon imong giyahan diin nasayud ka kun kanus-a nimo patas-an ang iyang lupad o dili ba kaha kanus-a nimo hiposon. Sa laing bahin, mahimong ang maong damgo pahinumdom usab kanimo nga kinahanglan na nimong moginhawa ug mohanggab og preskong hangin sa kabag-ohan o pahuway gikan sa hagip-ot mong pagkinabuhi.