Dili ikalimod nga sa atong panahon, grabe ug bulgar na kaayo nga naabusohan ang kasagrado niining gitawag og seks. Sagad giisip lang kini nga usa ka kalingawan. Nawala ang katuyoan o ang kabililhon niini, kun ngano kining kalalim gipabatyag sa atong pagkatawo. Mao nga naproblema hinoon. Nahimo kining tinubdan sa kasagmuyo o mga kagul-anan. Ang paghilawas kun menus na ang libido o gana niini, dili na masinati ang kaanindot batyagon ang pagseks. Ang uban di mahimutang, naaburido kay kulang sa katagbawan. Di masabot ang pagbati, permi gihasol ingon sa may kulang, kay lagi mora’g himatyon nga dili na motuyhakaw, aron unta modimdim sa dugam-is sa seks.
Ang uban gani, mawad-an sa maayong kabuot. Buot na lang kutloon ang iyang kinabuhi. Nawad-an sa paglaum kay kuno gihikawan sa iyang kalipay. Apan baya kita ra ang angay mabasul ngano nga kita naingon niani. Nalimot sa daghang hinungdan nga wa lang hatagi’g pagtuki, kun unsaon nga makabarug.
Kay ang sensasyon o emosyon, kuryente kining mopabaskog sa panglawas nga kun hinay ang kapasidad sa makinarya nga mao ang lawas, maluya ang utok kuridas hasta mga sistima sa lawas. Depektuso na ang kapuslanan niini, nga kun dunay parte niining palyado, mas maapektahan nga mopalyar usab nga mawala ang kuryente nga mopaigking sa kalalim batyagon ang pagseks.
Kun himatyon na ang seks, dili angay mawad-an sa paglaum kay adunay daghang paagi ana nga mapabuhi mo pagbalik ang katakos sa pagseks. Basta batonan lang nga ang panglawas ug utok, maatiman permi sa kahimsog.