Ang bayabas nga atong hisgutan karon, dili kanang mga ‘hybrid’ nga dagkoon nga klase sama anang guapol (apple guava) nga ang specie ini gikan sa Thailand. Kun di ang bayabas nga matawag nato nga natibong pinoy. Mga gagmayon kini nga klase apan dasok sa mga sustansiya (potent & nutritious).
Ang bungang hinog ini, maayong tinubdan sa Bitamina A ug C. Aduna sad ni daghang calcium, phosphorus, potassium, ug iron. Nagpasabot lang nga kining bayabas nato, nakahatag gayud kini og maayong nutrisyons nga nakatabang sa pagpalig-on ug pagpahimsog sa panit, bukog, ngipon ug dugo.
Ang hilaw o linghod nga bunga sa bayabas usab, ug ang iyang dahon ug panit sa punoan, gigamit isip nga tambal.Epektibo ni sa panghunad sa samad ug sa peyoriya ug panglimugmog para sa nanghubag nga lagos, sakit sa tutonlan ug ngipon. Ingon man sa kalibang, nagsuka, ug sakit sa tiyan.
Unsaon kini paggamit?
*Kun linghod nga bunga gamiton, pilia kanang sinawon ug hamison. Hugasan og maayo dayon tadtaron ug dukdokon. Ibutang sa kolon ang 7ka kutsarang dinukdok ngadto sa 2ka basong tubig. Pabukalan sa hinay nga kalayo sud sa 5 mins. Salaa huwata nga mabugnaw nga init-init pa, dayon ihunad o ilimugmog, makatulo ka beses sa tibuok adlaw.
* Kun dahon ang gamiton, pilia ang lab-as nga dahon kanang walay daut. Unya hugasi ug pinoha paghiwahiwa. Pabukala ang 1ka hakop sa hiniwang dahon ngadto sa 2 ka basong tubig, sa hinay nga kalayo hangtud mohubas ngadto sa 1ka baso na lang ang tubig.Huwata nga mabugnaw sa dili pa ipainom sa may sakit o pasyente. (atangi ang sumpay sa sunod nga isyu)