Ang Antartika

Usa kini ka kontinente nga layo sa sibilisasyon ug walay tawo nga nagpuyo gawas sa pipila ka grupo sa mga sayantis nga gikan sa nagkalainlaing nasud nga mikooperar sa natad sa siyensya, pagdiskubre og mga kapahimuslan nato. Gibanabana nga 70% sa preskong tubig sa kalibutan, anaa sa Antartika.

Ang mao nga tubig anaa nakapundo sa mga bagang yelo (ice) nga kun tig-init anam-anam lang ning mangahilis gikan sa dagat, bukid ug patag. Ang klima didto grabe gyud ka bugnaw, matuskig ang tawo mahisama sa yelo. Di sama sa mga isda, insekto ug uban pang may kinabuhi didto kay gidisenyo man kadto sila alang sa maong klima, nga molahutay sa grabe ka bugnaw.

Halos tanan dapit didto sa Antartika pulos natabunan sa yelo nga may gibag-ong mokabat ngadto sa 3 ka kilometros.

May mga dagkong tipak sa yelo (iceberg) nga nanglutaw sa dagat. Kini ang kinadak-ang (ice shelves) bukid sa ice sa dagat, ikatumbas sa gilapdon sa Fransya. Ang bukid niya nga 200 ka tiil ang gihabogon, motubo ngadto sa 500 ka tiil, tungod sa ice nga mitabon niini.

Adunay dapit didto sa mga gikampohan sa grupo sa mga researcher o mga sayantis, gikinahanglan ang ilang kahimanan o makinarya, nakareserba ug perming nakaandar kay kun mopalyar ni, dali ra sila mangatuskig o mokaging dayon. Apan kun imo gayud masud-ong kining Antartika, makahugyaw ka sa hilabihang kaanindot sa iyang talan-awon. Mura'g dili kini kabahin sa kalibutan.

Makaingon kita sa kaugalingon, susama kini sa  bag-ong paraiso sa atong panahon, nga wa pa maamong-amongi sa ka pintas sa binag-ong kaugmaran. Ingon sa gihulga sa umaabot nga henerasyon nga tinguhaon kining ugmaron.