Ning panahon sa kalisud nga ekonomikanhon daghanan ang ni-prefer nga dili kaayo himoong prayoridad ang mga adorno. Mas maayo ra pud aron ang mga tawo mamahimong focus sa ilang pagpamalandong. Kini ang kahulogan sa adbiyento. Ang tukmang panahon sa pagkamaigmaton dinuyogan ang usa ka kasingkasing nga mahinulsolon aron ang Ginoo makasulod sa kinabuhi. Ning maong panahon atong gihinumdoman uban ang kalipay ang unang pag-anhi sa Mesiyas diha sa iyang pagpakatawo. Ang ikaduhang pag-anhi atong gipaabot uban ang buhing pagtuo. Imbis nga atong himoong ma-commercialize ang pagsaulog sa umaabot nga Pasko, atong ipunting ang pagpangandam diha sa atong espirituhanong kinabuhi. Apil na niini ang pagkamaigmaton aron inig-abot sa Ginoo nagpabilin kitang nahigmata ug dunay gihimo nga mga butang makalipay sa Dios karong mga panahona.