Christmas lanterns

Dunay usa ka retiradong opisyal sa US Marine Corps nga nagplanong sundon ang usa sa mga Christmas tradition natong mga Pinoy. Kini mao ang pagbitay og Christmas lanterns o parol sa panimalay.

* * *

Ang maong retiradong US Marine kinsa mga napu na katuig nga nanimuyo sa Manila ginindotan sa praktis sa iyang mga silingan sa Sampaloc kinsa mamitay og parol sa ilang mga bintana sud sa panahon sa kapaskohan.

* * *

“It’s a good feeling to look at those lighted Christmas lanterns at Christmastime,” matud niya. “It creeps into your being the spirit of the season,” matud niya atol sa usa ka interview kaniya sa usa ka mantalaan sa Manila.

* * *

Ang maong retired US Marine nga nailhan sa iyang mga higala ug katalirungan sa Sampaloc, Manila, nga si Robert Gonzales, mobitay og tulo ka parol sa tulo ka bintana sa apartment nga iyang giabangan sa Manila. Nagplano siyang i-introduce ang maong Pinoy Christmas tradition didto sa iyang native place sa Burbank, California.

* * *

Medyo late na kuno ning planoha nga gisugdan kuno niya’g plano “five years ago” pero matud niya ang “Christmas spirit” dili man mawala kay tuig-tuig naa man kini.

* * *

Si US Marine Gonzales usa ka “American of Puerto Rican parentage.” Mao nang Gonzales ang iyang apelyido. Usahay kuno masaypan siya nga Pinoy tungod sa iyang ngan ug sa iyang pamanit nga dili ugis kaayo.

* * *

SA LAING BAHIN ... Mangumusta kita sa atong mga suking readers nga mga drayber sa tax ug jeep. Daghang salamat sa inyong nagpadayong suporta sa Banat News.