Patuo-tuo

Kun maghisgot kita og iring, simbolo kini sa feminity kon pagkababaye. Sa laing bahin, simbolo usab kini sa patuo-tuo labina sa natad sa paranormal. Sa laing bahin, ang iring simbolo sa survival. Ginaingon pa: "Siyam ang kinabuhi." Ang iring nga misteryoso kaayong mosud-ong sa mga dapit nga giisip nilang dunay katingalahan. Kun kini ang nigawas sa imong mga damgo posible nga kini nga usa ka babaye ang naghatag og dakong impluwensiya sa imong kinabuhi (kun ikaw lalaki) sama pananglit sa imong inahan, hinigugma o ni bisan kinsang babaye nga nakaapekto sa imong panghunahuna ingon man pagbati. Kun ikaw babaye posibleng ang imong kinabuhi nahimong "catty" tungod sa imong mga gibuhat nga dunay kalambigitan sa imong pagkababaye.