Ang kanding ug karnero

Ang kanding ug karnero duha ka mga managlahing hayop diha sa balaang kasulatan. Ang kanding simbolo sa kauwawan ingon man sa dautan. Kini tungod kay panahon sa Yum Kippur kon day of atonement. Diin  itapion sa pari ang iyang kamot ngadto sa ulo sa kanding samtang ibungat ang mga sala sa katawhan ngadto niini ug human buhian ngadto sa kamingawan. Dinhi gikan ang pulong nga scapegoat. Ang karnero sa laing bahin simbolo sa Ginoong Jesus ang matuod nga Kordero nga nagwagtang sa mga sala sa kalibutan. Ug kining hayopa ang kasagarang gamiton kun dunay halad sinunog.Ning atong pagsaulog sa Solemnidad ni Kristong Hari, gipahinumdoman kita nga mohimo og usa ka inclusivist nga lakang diha sa paghimo og maayo ngadto sa uban. Dili kini mahitungod lang sa in group ug sa out group. Hinunoa pahinumdom kini nga ang tinuod nga sumusunod ni Jesukristo kinahanglang moalagad kaniya pinaagi sa pag-alagad sa atong isigkaingon.