Tungod kay nagdungan kining atong pagsaulog sa Adlaw sa mga Santos ug sa Minatay, mora’g atong nataligam-an ang Adlaw sa mga Santos ug maoy nasentro sa atong pagsaulog ang Adlaw sa mga Minatay.
Kun buot huna-hunaon, dako’ng fiesta sa simbahan ang Adlaw sa mga Santos kay fiesta gud sa tanang santos. Niini’ng adlawa, katulo magmisa ang pari ug kami nga mga altar boys kaniadto katulo ‘sab mi mo-serve sa misa, kapoy kaayo puwera gaba lang. Ingon niini kabililhon ang Adlaw sa mga Santos.
Anyway, maoy atong naandan ang paghatag og gibug-aton sa Adlaw sa mga Minatay. Oki lang kay gigahinan kita’g special nga adlaw sa paghandum sa atong mga minahal sa kinabuhi nga mitaliwan na.
Ning paghandum sa atong mga minatay, atong kutloon kining reflection, ambot diin to kini nako mabasahi: “How do we measure the life of a man? When a man dies, what do we remember in him?
“Every memory that we hold on to are memories of experience of love with that person, our experience of a loving mother, a caring father, a thoughtful brother or sister, or of friend.
“How do we keep the memories of our departed loved ones alive in our life? Their legacies of love will forever be kept when we share this same experience of love to others. The only way to give justice to what they have left us is to keep the fire of love for our neighbors burning in our hearts. We celebrate not the death of people but their life lived in love.”
Unsaon man tuod nato pagsukod ang kinabuhi sa usa ka tawo… ang iyang kinaiya, batasan, o status? Base ba sa katigayonan nga iyang nahipos? Sa iya ba’ng position o sa iyang pagkabantogan? Inigkamatay niya, unsa may imong mahinumdoman kaniya?
Ang labing haum nga paghandum sa atong mga minatay mao nga atong ipadayon ug puy-an ang mga maayo ug dalaygon nila’ng mga mithi, ang mga maayo nilang binuhatan sa dinhi pa sila uban kanato.
Unya, giingon dinhi, ”Greatness is rooted, not in the many accomplishments, talents and skills, the many projects you did, or the riches that you have, or positions that you hold. Above all, Greatness is rooted in humility – to be the lowest of all and serve other people.”
Inig-abot na sa atong panahon, unsa ka matang sa atong pagka-great ang handumon kanato sa mga nahabilin? Tingali’g ila tang i-associate sa pork barrel.