Sumpay kini sa miaging isyu, nga aron malimpyohan ang gawas ug sulod sa lawas, gikinahanglan ang “cleansing diet” pinaagi sa pagkaon og mga lab-as o preskong utanon ug prutas. Kinahanglan hugasan kini pag-ayo, aron makuha basi’g gibombahan kini’g insecticide o makahilong kemikals.
Sa “cleansing diet”, ayaw sagola sa pagkaon ang prutas ug utanon. Kay ang mga utanon, mahilis o matunaw sud sa 4 ka oras, mao nga sa udto kini kaonon. Samtang ang prutas, mahilis o matunaw kini sud sa 1ka oras, mao nga sa buntag ug gabii kini kaunon.
Kun utanon o prutas ang kaunon, ayaw kini paresi og laing sagol o pagkaon sama sa tinapay o pan, asukar, ubn pa. Pulos prutas ra o kaha pulos ra gyud utanon. Kay maalkontra ang katuyoan o di moepekto ang “cleansing diet” o paglimpyo o pag-ayo sa lawas. Buhaton kini sulod sa 1 ka semana o mas maayo ipadayon ngadto sa 2 ka semana, depende sa gipamati sa lawas.
Aron sa pagsugod niini, ang unang 3ka adlaw, mokaon la’g utanon o prutas, para paglimpyo sa lawas.
Sunod nga 3ka adlaw, ‘fruit juice lang ug tubig ang imnon, wala’y gahing kaunon. Sa ika-7ka adlaw, “water fasting” na o pulos na lang tubig ang imnon. Tubig na lang gyud, 3 ka baso sa pamahaw, 3 ka baso sa udto ug 3 ka baso sa panihapon.Sumala sa mga eksperto, kini natural nga epektibo nga makaayo sa mga sakit, kay nawa na kadtong hinungdan sa sakit.
Kun mag-cleansing diet o mag-fasting, likayan ang pagtrabaho og bug-at o kanang pakusog. Pwede ni sa daut o anemic, ilabi na sa tambok nga kini makapakunhod sa naghinubra nga timbang sa lawas o kanang “obese”.