Batokan ang drugas ug kurapsyon
Dose anyos na ang NEWGAD, Inc. o New Generation Against Drugs and Corruption, Incorporated, usa ka organisasyon nga nakigbatok sa ginadiling drugas pinaagi sa pagkampanya pagpasabot sa dautang epekto sa drugas ug korapsyon, pag-organisa sa mga napasabot na ug paghatag kanila og panginabuhian.
Kining tulo mao ang gitawag nga triad function sa NEWGAD. Ang NEWGAD nahimugso kaniadtong 2003 isip organisasyon sa mga tinun-an sa Southwestern University ug nahimo’ng usa ka Non-Government Organization (NGO) kaniadtong Septiyembre 3, 2010 human kini marehistro sa Securities and Exchange Commission.
Ang NEWGAD aduna nay liboan ka sakop lukop-nasud ug gilangkoban na kini sa mga tinun-an, professionals ug mga out of school youths. Aduna usab kini sakop nga mga langyaw.
Aron mapalapdan pa ang kampanya batok sa ginadiling drugas ug korapsyon ang NEWGAD nakighiusa sa sibyaanan DySS Super Radyo Cebu sa RGMA Network pinaagi sa ilang programa’ng Krusada Batok Druga ug Kurapsyon nga inyong madungog matag alas 9:00 ngadto sa alas 10:00 sa buntag sa matag Domingo.
Kabahin sa iyang ika-12 ka tuig nga anibersaryo, ang organisasyon mipasiugda og Quiz Bowl, Poster Making contest, Easy writing contest ug ang iyang usa ka semana nga kalihokan gisugdan sa usa ka santos nga misa ug gitapos sa usa ka anti-drug ug kurapsyon seminar kaniadto’ng Septiyember 29 ngadto na Oktubre 4, 2014.
Isip Chairman sa Board sa NEWGAD, Inc. ipaabot nako ang akong dakong pasalamat nila ni Dr. Norma Cubita Maratas, Sir Arnold Barlaan, Ms. Daguman, mga opisyal sa student organizations nga NEWGAD nga gipangulohan sa ilang presidente nga si Ms. Danica Cole, mga sponsors ug tanang miabag aron ang among anibersaryo magmalampuson. Padayon ug sulong NEWGAD.
- Latest
