Ngalan sa tawo

Ang mga ginikanan giawhag sa usa ka ministro sa simbahan kinsa nakatrabaho isip adviser sa usa ka ahensiya sa gobiyerno sa pagplano o paghunahuna pag-ayo sa ngalan nga ilang ibunyag o ihatag sa ilang anak.

Kini kuno aron dili mohatag og kauwaw o embarrassment sa mga bata inigka dagko na nila.

* * *

Matud pa niining ministro (mihangyo nga dili lang ibutyag ang iyang ngalan) adtong tuig 2005 ang iyang gitrabahuan nga ahensiya sa gobiyerno naka-rekord og kapin sa 2,000 ka request for name-change gikan sa mga “wa ganahi’ sa mga ngan nga gihatag kanila sa ilang ginikanan.

* * *

Pipila sa mga ngalan nga gustong ilisan sa mga “tag-iya” mao ang “Cebuley,” “Dioscarla,” “Manicotdaba,” “Marisdelfa,” etc.

Kinahanglan gayud nga human pil-apan  sa nurse o midwife ang porma tan-awon gayud sa amahan ug inahan kun korek ba ang ngalan nga nasuwat ug kun husto ba sad ang ispeling niini.

* * *

Kun masayop ang record sa live birth nga nasabmit sa opisina sa city o municipal registrar, lisud na kakorekan. Makorekan man gani pero hasul kaayo ug dako ang gasto.

Mao nga gibalik-balik sa gihisgutan tang ministro sa simbahan ang pagsumiter sa husto nga form of live birth sa city registrar.

* * *

SA LAING BAHIN ... Greetings nila ni Kevin & Leonie Leviste atong magbabasa didto sa Tagbilaran City kinsa nagsaulog sa ilang joint birthday di pa lang dugay.  Ang magtiayon loyal readers sa Banat News ... Mangumusta sad kita sa atong mga readers diha sa may Plaza Independencia ug sa kasikbit niini nga Cebu Post Office.