Dear Atty. Divine,
Aduna mi napalit nga yuta pinaagi sa data-data ug niadto’ng Mayo 31, 2013 nahuman ang pagbayad. Among gipatukoran og balay karong tuiga. Sa diha’ng magpapirma na mi sa Deed of Absolute Sale nasuko ang anak, wa mi makapapirma. Nag-abot mi sa barangay apan wa g’yud mi maareglo. Ang akong pangutana kun mabawi ba sa anak kadto’ng portion nga gibaligya sa iyang inahan ngari kanamo? Puwede ba mi makapuyo sa dapit nga among gipalit bisan kun wa pa mapirmahi sa inahan ang Deed of Absolute Sale? Kun ila g’yud bawion ang property makabayad ba sila kanamo? Duna mi kasabutan niana’ng yutaa, pirmado ug notaryado pa g’yud. Tiguwang na ang inahan nga nagbaligya kanamo ug medyo bungol na. Sa akong nasayran conjugal property kanang yutaa. Unsay maayo namong buhaton? – Donna
Dear Donna,
Kun nabayran na ninyo in full ang portion sa maong property nga inyong gipalit pinaagi sa pagdata-data, buot ipasabot nga na-perfected na ang inyong kontrata busa way rason nga di mopirma ang nagbaligya niini sa inyong Deed of Absolute Sale. Mas maayo unta to nga sa pagbayad ninyo sa last payment inyo na unta nga gipapirma og Deed of Absolute Sale ang nagbaligya. Kun kanang maong property nakarehistro sa inahan way katungod ang anak nga mopugong sa pagbaligya sa bahin sa iyang inahan kay buhi pa man iyang mama. Kay conjugal man kanang yutaa, pagkamatay sa iyang bana, ang katunga niana maoy iyang share busa duna siyay katungod sa pagbaligya sa iyang bahin. Apan kun ilang bawi-on mahimo mo nga magpa-refund sa inyong nabayad nila. Mahimo ra sad nga inyong ukopahan ang property nga inyo’ng napalit kay duna man mo’y ebidensya nga inyo’ng nabayran ang maong property. Mas maayo nga modangop mo og abogado aron mapadad-an na og demand letter ang nagbaligya aron siya mopirma sa Deed of Absolute Sale. -Atty. Divine