Gisurambaw?
Congrats sa bag-ong mga opisyal sa Cebu Association of Media Practitioners (CAMP) Inc. sa pagpangulo ni Jun Arigo ug sa mga donor sa CAMP Scholarship Program (CSP) nga sila si Congressman Bebot Abellanosa, 30 ka scholar nga tag P16 mil matag usa, kada tuig; Atty. Levi & Madam Malot Baligod, P30 mil; Congressman Jun Alcover, P10 mil; Ate Ging of Blo-Troff Herbal Products, P5 mil; ug P5 mil usab gikan ni Engr. Joemarie A. Arib, PME.
Ang mga scholar nga anak sa mga miyembro sa CAMP anha patunghaa sa Asian College of Technology (ACT), usa ka mauswagong eskuylahan karon sa Cebu City nga iya ni Kongresista Abellanosa.
Samtang ang Mandaue City College (MCC) nga iya ni Dr. Paulus Mariae Cañete nasugamak og problema tungod kay kuno gisurambaw sa mga kanhi opisyal. Usa ka magtutudlo nga si Katrina Cortes Estoque giingong gihulga sa usa ka Rochelle Bustillo niadtong Agusto 14 pinaagi sa text message. “Wala ko mag-apil-apil anang mga binuang ninyo diha sa MCC pero kun c Emy gani inyong hilabtan dili tamo sibugan tan-awon nato kinsa pamilya mahurot.”
Dili angay binuangan ang eskuylahan tungod sa kasagrado niini pag-umol sa kaugmaon sa kabataan. Ang Talisay City College nga gidumala usab ni Mayor JVR sa malinawon na karon ug angay nga buligan sa mga ginikanan ang ilang mga anak nga magtinarong sa pag-eskuyla alang sa maayo nila’ng kaugmaon.
Ang tulunghaan sama sa barko kansang kapitan ug tripulante mao ang mga magtutudlo, ug ang mga estudyante maoy pasahero.
Kun surambawon gani sa mga magtutudlo, makaluluoy ang tag-iya niini ug ang mga estudyante.
* * *
- Latest
