Trato ug uyab
Niadtong wa pay gubat ug gani bisan sa bag-o pa nahuman ang gubat, ang managhigugmaay ginganlan og managtrato.
Si Papa ug Mama nato managtratohay sa wa pa sila naminyo.
* * *
Karon dili na trato ang tawag sa managhigugmaay. Nawa na ang trato. Gibansan na og uyab.
Dili na kita makadungog og lalaki o ba kaha babaye nga mo ingon: “Trato ko si Juan” o “Trato ko si Maria.” Uyab na sila.
* * *
Ambot kinsa man ang nagpauso sa uyab nga mura’g kalit ra man ni mitumaw sa atong bokabularyo.
Bisan sa alta sosyedad ang mga managhigugmaay gitawag na nga manag-uyab. Egsampol: “Ang senador ug ang aktres manag-uyab na.”
* **
Didto sa Western Visayas dili uyab or trato ang tawag sa manag-uyab o managtrato. Nobya ug nobyo ang ilang tawag sa managhigugmay.
Kon konpirmado nang nanaghigugmaay si Juan ug Maria, nganlan sila nga manag-nobyuhanay o managnubyahanay.
* * *
Uso sa mga estudyante ang magsinugsuganay nga: “Nobya ka na ni Juan no?” or “Nobyo ka na ni Maria no?”
Bisan mga gagmay’ng bata kusog sad manogsug sa mga hamtong na nilang kaila sama niini: “Hala magnobyahanay na diay sila...kit-an ko naghalokay silang duha.”
* * *
SA LAING BAHIN... Komusta sa mga Banat News readers diha sa may Taboan...ug sa ubang Banat News readers diha luyo sa Carbon market. Salamat sa nagpadayon ninyong suporta sa atong mantalaan.
- Latest
