Matag usa kanato ang mangutana og feedback gikan sa uban mahitungod kanato ug sa atong kaugalingon. Adunay kahulogan usab ang impresyon sa uban alang kanato. Apan sa dihang si Jesus nangutana mahitungod sa iyang kaugalingon gikan sa iyang mga tinun-an ang iyang pangutana nakasentro sa mas intimate ug mas personal nga panahom mahitungod kaniya. Si Pedro ang mihatag niini pinasikad sa iyang personal ug suod nga kasinatian uban sa iyang Ginoo ug Magtutudlo. Diha sa atong kinabuhi mahinungdanon kaayo ang PAG-ILA aron mas atong MAHIGUGMA ang atong nailhan. Ang pag-ila mahitabo lamang diha pud sa PAGSINATI. Sination ang Ginoo diha sa atong kinabuhi diha sa PAG-AMPO, SA BALAANG KASULATAN UG SA PAGTULON-AN SA SIMBAHAN, INGON MAN DIHA SA KASINATIAN ADLAW-ADLAW. Kon ang Ginoo mangutana kanimo: "KINSA MAN AKO ALANG KANIMO?" Unsa man kaha ang imong itubag?