Sugyot sa mga katawhan nga angayan na gyud wagtangon na kining PDEA. Wala ba kaha kini sila mainsulto sa gihimo sa kapolisan pinaagi ni Chief Superintendent Prodencio Tom Bañas maayo unta og dili lang kani “OPLAN PAKILALA” sama sa ubang PRO-7 chief.
Nahinumdom ba kamo adtong PDEA spokesman inig press conference makita nato sa telebisyon nga mora’g nasakit og hepa dagko kaayo og singsing, pulseras, kuwentas pareho gidak-on og kadena sa iro unya makapanag-iya pa gyud kuno og balay sa dihang gipatay nabisto pa gyud nga iyaha ang sakyanang STRADA duna pay salapi.
Angay na gyud tinuod wagtangon kining ahensiya hinay og lihok. Ug sa laing bahin dili sad nato isalig sa kapolisan kay bisan pag inbestiga sa ilang kauban nga masakpan gayud sa akto atol sa pagronda wala gayud resulta niretero na lang si SPO4 ug naa pa gayud usa ka inspector nga nasakpang nagpayuhot og drugas pinaagi sa LBC wala gayu’y resulta na promoted pa pagka Sr. Superintendent, busa makaingon lang ta sa kadaghanang pulis nga ang binuotan maduhig lang sa pipila nga nagbinuang kusog kaayo mo-recycle sa dinakpang drugas uban protector pa.