Mga silingan namo nga dili mamasa og iningles nga mantalaan kundili mga Tinagalog nga tabloid ra gyud, naimpluwensya sa mga slang nga linguwahe sa maong mga tabloid.
* * *
Pananglitan dihang may aksidente diin dunay mga kinabuhing nakalas, nadunggan ta ang usa ka jeepney dispatser nga nangutana: “Pila ka buok ang dedo, Bay?” Tubag: “Way nadedo? Pero suma sa radyo duha nabulagta.”
* * *
Nadunggan sab sa usa ka salo-salo: “Nasuko ang aktres kay dinedma sa uyab.” Nia pay laing nadunggan sa kan-anan: “Parak niratrat todas. Inutas ni kinsa, Bay?”
* * *
Naay mga istambay nga lihero na ron mosulti’g tagalog slang nga ilang napik-ap sa mga tabloid nga ilang giabangan sa mga reading center. Nadunggan: “Bay, dihay drayber hinataw og baseball bat, todas.”
* * *
Nadunggan sa may parkingan: “Bay, kawatan diha sa Calamba utas sa parak.” Nadunggan sad: “Naay abusadong amo diha sa Katipunan kinatay ng atsay.”
* * *
Nadunggan: Bay, naay bebot nga kinatay diha sa rekli.” Tubag: “Bitaw, Bay, diha kuno diin gipatay ang usa ka paslit.” Nadunggan: “Ayaw tikasi bosing mo kun masakpan ka lagot ka.”
* * *
SA LAING BAHIN ... Kaniadto mga slang nga iningles ang madunggan ta sa mga istambay. Karon mga slang nga tinagalog na... Daghang salamat sa atong mga news dealer kinsa nagpadayon ang pagtabang sa atong sirkulasyon sa Banat News ug ubang mantalaan ubos sa PhilSTAR Media Group.