Ang mga eksperto sa panglawas sa tawo nagkahiusa sa pag-ingon nga ang laughter kon pagkatawa usa sa mga importanteng bahin sa kinabuhi sa tawo. Suma pa nila daghang mga tawo sa kalibutan nga nangaayo sa ilang balatian gumikan sa pagkatawa.
* * *
Nadiskobrehan sa mga mananambal nga ang pagkatawa mopaaktibo sa utok sa tawo. Ilang girekomendar sa ilang pasyente ang pagkatawa kun nagsakit ang ilang ulo o ubang parte sa lawas. Makasulbad sad kuno sa nervous tension.
* * *
Ang kasagaran hisgutan sa mga doktor kabahin sa pagkatawa ug ang mahimo niini ngadto sa tawong masakiton mao ang kaso ni Norman Cousins, kanhi editor sa Saturday Review. Si Cousins dunay kanser ug ang mga adlaw sa iyang kinabuhi giihap nalang.
* * *
Unsay gihimo ni Cousins? Aron kasuklan niya ang gibati niyang depression (kinsa may dili ma-depressed kun wa nay mahimo ang doktor), si Cousins nag-lockup sa iya kuwarto diin nagpunay’g basa og comics ug sige’g tan-aw og mga kataw-anan nga salida sa tv.
* * *
Unya unsay nahitabo? Matud pa sa Reader’s Digest, sa iyang paggawas sa iyang kuwarto human sa pipila ka adlaw niyang panarangka sa maong kuwarto, nakugang ang iyang mga doktor nga ang iyang kanser nawagtang na.
* * *
Karon, ang pagkatawa gi-prescribe na sa mga doktor sa America ngadto sa ilang pasyente. Gihimo na kini nga regular treatment sa nagkadaiyang sakit nga gibati sa pasyente.