Diha sa pagpaambit

Sa dihang nakita sa Ginoo ang kagutom sa mga tawo wala niya kini ibalewala hinunoa, iyang gimandoan ang iyang mga tinun-an nga hatagan kini og igong  pagtagad. Ang maong panginahanglan maoy nitukmod kaniya sa pagpadaghan sa pan ug sa mga isda. Ang mga scholars nagtawag niini og Miracle Sharing sa dihang ang matag usa ang nipaambit sa ilang kaugalingong mga dala niadtong mga panahona. Ang Sagrada Eyukaristiya, usa ka pagpaambit sa Ginoo sa iyang kaugalingon alang kanato. Ang maong Sakramento mao pud unta ang magdapit kanato aron mamahimo kitang mga manggihatagon sa atong kaugalingon alang sa uban ug pinaagi ning pagbinayloay sa matag kinabuhi ug kasinatian, ang tawo mamahimong mapasalamaton gumikan sa mga maayong butang nga atong nadawat gikan sa Kahitas-an.