Sibo sa atong kasinatian, ang pagkaligo mao ang paglimpiyo sa atong lawas gikan sa atong pagkahugaw. Nindot ang pagkaligo labina kun gahinan nimo kini og panahon. Relaxing kini kaayo. Kun kini mogawas sa imong damgo, angay nimong hibaloan nga nahimong imong tinguha ang kalimpiyo dili lang sa pisikal nga aspeto kondili lakip niini ang imong kinabuhing espirituhanon ug emosyonal. Dugang pa, buot nimong mamahimong mogahin og igong panahon sa maong relaxation ug pagpahulay. Mahinungdanon ang kalimpiyo ug mahimo lamang kini kun ikaw mismo ang andam ug tagana nga moubog sa tubig o sa proseso aron ikaw malimpiyo.