Kanunay magpahinumdom kanato ang mga alagad sa Diyos sama sa kaparian, mga madre, mga lay minister, ug uban pa nga dili gyud ta malimot sa pagpasalamat sa Ginoo sa atong pagmata ug pagbangon sa buntag nga kita buhi pa.
* * *
Angay lang. Dapat lang. Magpasalamat sa atong Magbubuhat inig mata nato sa buntag. Daghan baya’ng mga tawo nga wa na makaabot sa kabuntagon human sa maayo nilang katulogon sa miaging gabii.
* * *
Pero naay mga malimot sa pagpasalamat Kaniya inig bangon sa higdaanan aron mangape ug unya mo-exercise. Sama adtong usa ka guwapa ug sexy nga artista nga inilogan sa mga boys bisan duna nay usa ka buok anak.
* * *
Kining maong artista gipangutana sa usa ka inilang entertainment journalist kun unsa man ang iyang unang buhaton sa iyang pagmata sa buntag. Matud niya: “I take a shower, brush my teeth and do vocalization.”
* * *
Nataligam-an niya ang pagpasalamat sa Ginoo nga buhi pa siya sa iyang pagmata. Nalimot siya. Maayo na lang kay tungod sa kabuotan sa Ginoo gipamata pa siya ug gihataga’g chance nga makapanutbras pa.
* * *
SA LAING BAHIN ... Magpasalamat na sad kita sa mga suki sa mga karinderya diha sa may South Bus Terminal kinsa mga suki usab ning atong Banat News ... Naay bag-ong pakulo ang atong Banat News diin daghang ganti alang sa mga mananaug. Basaha sa back page.