Human sa pagsaway nga gibato ngadto sa mga awtoridad sa Hong Kong kalabot sa pagpublikar og mga libro alang sa prep-schools nga nagpakitang katabang ray maabot sa mga Filipino, lain na usab pagtamay sa maong Chinese –administered city sa mga Filipino, ug ning tungora sa usa ka tv commercial.
Ang commercial advertisement nga binayran sa usa ka Malaysian nga bangko nga Hong Leong gisaway sa social media, dili lang sa mga Filipino kondili lakip sa mga Indonesians ug mga rights groups gikan sa Uropa. Ang maong commercial ad nagpakita sa usa ka Chinese actor nga nag-makeup ug gipaila nga si “Maria†tataw kaayong nagpasabot sa mga Filipina nato nga mga domestic helpers nga nanarbaho didto.
Kung sa uban ilabi na sa mga taga Hong Kong dili kadto maisip nga racist nga tv commercial, apan dili tanan ang nalipay adto, kay kung gusto man gyud kaha nilang i-portray ang usa ka domestic helper, nikuha nalang gyud unta sila og tinud-anay nga babayeng artista nga Filipina ba kaha o Indonesian.
Inay lalaking Chinese nga artista nga gisininaan og pangbabaye nga daw susama na hinuon nga gibugal-bugalan ang maong propesyon.
Dunay gibanabanang 300,000 ka mga domestic helpers sa Hong Kong, kinabag-an niini mga Filipina, kini maoy hinungdan nga giulan og pagsaway ang website sa maong bangko ug matud pa gitangtang na nila ang web link sa maong advertisement sa ilang website.
Apan daghan pa gihapon ang wa matagbaw sa aksyon sa maong bangko. Ang Asian Migrants' Coordinating Body midemanda nga kinahanglang mopagawas ang bangko og public apology tungod sa ‘racist’ nila nga pagtagad sa ubang mga silingang nasud.