Usa ka Amahan nagkanayon: "Katungod nako ingon nga imong Amahan nga imo kong tahuron! Kay kun wala ako wala pud ikaw!" Ang anak igo lang nipahiyom uban ang kantalitang talidhay siya nagkanayon: " Kamaayo gud nimo?! Ang imong puhonan mao ra gyud ang imong singot uban ang agulo niadtong kaadlawon sa dinanghag ninyong pakighilawas nga miresulta sa linalang nga imong giayran apan gumikan sa dakong paningkamot ang karon nahimong gamhanan...."
Bunga lamang kini sa naglatagaw nga hunahuna sa tagsulat apan dunay dakong kamatuoran ning atong kapanahonan karon. Nahimong hilisgutan ang katungod niadtong mga Amahan ug subo lang pud nga usahay wala mahatagi og gibug-aton ang ilang katungdanan. Daghang mga amahan ang nahimong mga walay pakabana sa ilang mga anak. Hinuon, dili ikalalis nga daghang mga amahan usab ang naningkamot nga mamahimong mga maayong sanglitanan sa ilang banay ug sa tibuok katilingban. Ning atong pagsaulog sa FATHER'S DAY akong mga pag-ampo ug mga pahalipay sa mga amahan. Sa laing bahin, padayon nakong gihagit ang mga amahang nahisalaag. Tinuod gyud diay nga First Love never dies kay buhi pa man sila nga mga badlungon ning atong katilingban. Timailhan lamang kini nga ang Dios padayon nga nihatag kanila og kahigayonan nga magbag-o ug magtarong diha sa ilang kinabuhi.