Kapin sa 61,600 ka football fans ang gipaabot nga modugok sa Itaquerao Stadium sa Sa Paulo, Brazil, alang sa 2014 World Cup. Brazil ug Coatia ang gikatakdang unang mokombate.
* * *
Apan minilyon sa mga football fans libot sa kalibutan anha mopokus sa ilang atensyon sa usa ka ba-o nga ginganlan og Big Head. Gitawag kini nga “turtle tipster†kay siya ang motag-an sa mga mananaug sa duwa.
* * *
Kini si Big Head maoy tubag sa Brazil sa Paul the Octopus sa Germany kinsa mipakita sa iyang abilidad sa pagtag-an sa resulta sa World Cup niadtong 2010. Mi-debut si Big Head ning tuiga.
* * *
Sa pagsuwat nato niining atong lindog wa pa ta makadawat sa resulta sa panag-an ni Big Head sa duwa sa Brazil batok Croatia diin mitag-an si Big Head nga ang Brazil maoy modaug.
* * *
Si Big Head hatagan og duha ka isda nga gipabitay sa bandera sa Brazil ug sa kaatbang niini. Hain tong isdaa nga nagbitay ang kan-on ni Big Head, mao kuno toy modaug sa duwa. Kun si Big Head ang ba-o, mag-ukon ukon sa pagpili sa isda nga ipakaon kaniya ug kun wa gyud siya’y kan-on niining duha ka isda sa ato pa tabla ang duwa.
* * *
Misugod kining tag-anay sa resulta sa World Cup pinaagi sa ilang gitawag nga “the animal oracle predictions†adtong 2010 diin mi-starring ang octopus kon kugita nga si Paul ug diin wala’y sipyat ang panagna niining kugitaha.