Ang mga polis didto sa Tokyo nag-hunting karon sa usa ka tawo nga ilang gitawag og serial urine splasher. Nagsakay kining tawhana og motorsiklo ug nanablig og ihi sa nawong sa mga babaye nga iyang hilabyan.
* * *
Dili man hinuon maunsa ang mga babaye nga mahilam-usan og ihi sa urine splasher apan hunahunaa ang kaangso sa babaye ug sa kahasol sa pag-ilis og sinina kun si inday nagpadung sa iyang trabahuan.
* * *
Kining pagpanablig og ihi ngadto sa mga naglakaw sa dan nga mga babaye unang gihimo kini didto sa Hong Kong sa dihang ubos pa sa Britanya ang gitawag niadto nga Crown Colony.
* * *
Suma pa sa taho nga ang gi-target kaniadto sa urine splasher mao ang mga babayeng puti. Nahunong kining buhata dihang napusilan angol ang nanablig kinsa naaktohan gayud sa usa ka polis.
* * *
Matud pa sa usa ka istambay diha sa Colon maayo na lang ni ang gibuhat sa urine splasher didto sa Tokyo kay sa pagpamusil sa mga Pinoy riding-in-tandem gunmen. Pero bisan pa, manghinaut kita nga dili moabot dinhi sa ato kining tinonto nga urine splashing.
* * *
Dili lalim ang manghilam-os og ihi sa laing tawo labi na kun kita nagpadung sa trabaho o eskuylahan ba kaha, matud sa usa ka salesgirl sa usa ka shopping mall.
* * *
SA LAING BAHIN ... Daghang salamat sa atong mga suking magbabasa diha sa mga karinderya sa may South Bus Terminal.