Temang nalambigit: pagpahulay, kahuyangan

Ang damgo diin nakita nimo ang imong kaugalingon nga nagsul-ob og bisting pangkatulog mahimong atong sabton ning mosunod:

1. Imong panginahanglan sa pagpahulay. Basin ang imong kasamtangang buhat ang nagpiit kaayo kanimo nga tungod niini buot nimong mogahin og igong panahon sa pagpahulay.

2. Ang imong kahuyangan. Diha sa pagkatulog nahimong sul-obon sa tawo ang mga bisti nga mo-expose sa bisan unsang tinagoan. Mahimo nga gumikan sa kahagip-ot imong napadayag ang bisan unsa nga nagsulti mahitungod sa imong kahuyangan.

Guingona ug De Lima nagdala og lawgaw

Sa wala pa mapublikar ang files gikan sa hard disk ni Benhur Luy, ang pag-umangkon sa pork barrel scam mastermind Janet Lim-Napoles, hapit tanang mga senador ug kongresista saba kaayo nga miawhag sa pagpublikar niini.

Apan sa dihang gipagawas na ang Benhur files, misamot sila kasaba ug daw choir sa kapilya nga nagkanta og susamang linya: “wala ko kaila ni Napoles ug wala ko makatransaksiyon ana niya.”

Mao usab ang affidavit ni Napoles, sa wala pa kini mogawas, saba kaayo ang mga magbabalaod sa pagpagawas niini, apan sa dihang migawas ang listahan nga gitawag og “Napolist” mihimakak gihapon sila og kalambigitan.

Ning panahona, wala nay nahimo ang mga magbabalaod gawas sa pagdepensa sa ilang kaugalingon tungod sa nanggawas nga mga ngalan sa listahan.

Ning bag-o lang, may naka-estorya ako nga personalidad nga giguyod ni Napoles sa kaalautan pinaagi sa pag-apil sa iyang ngalan sa Napolist.

Dinhi ko nakaingon nga wala g’yud diay imposible. Kun tuyoan, makaluluoy ang mahimong “scapegoat” ug “sacrificial lamb.”

Ang tinubdan nagkanayon nga makaluluoy kaayo ang mga tawo nga gigamit ni Napoles aron tabunan ang iyang kadaotan.

Samtang nag-estorya mi sa cellphone, nagkagot akong bag-ang nga naminaw kaniya samtang sa pikas bahin sa akong utok naghunahuna sa mga magbabalaod (ilabi na taga dinhi sa Cebu) nga binilyon ang nakawkaw ginamit ang mga peke nga NGO ni Napoles.

Tinuod, adunay mga mag-uuma sa usa ka bukirang bahin dinhi sa Metro Cebu ang giduaw sa mga imbestigador aron pangutan-on kun aduna bay miabot nga “farm implement” nga balor og P11 milyones nga miabot sa ilang barangay nga gipahatag sa usa ka kongresista sa agricultural NGO nga gidumala ni Napoles. Ang mga mag-uuma igo ra g’yud nga nagpanglingo sa kakurakot sa ilang kongresista kay wala g’yuy naabot kanila bisan nalang og dumpol nga sundang ug habolan nga guna.

Apan ning panahona, kinahanglan na kita nga mo-abante sa unahan. Nailhan na ang mga nalambigit ug ang giingo’ng mga utok niini – kun sila’ng Senador Juan Ponce- Enrile, Jinggoy Estrada, Bong Revilla o si Napoles man, angay na silang patubagon.

Pero samtang anaa pa kanang Department of Justice nga gipangulohan ni Leila de Lima nga utro usab nga nagtabon-tabon sa mga alyado ni Pres. Noynoy Aquino, wala’y kapaingnan ang maong isyu.

Ang angay untang magdumala sa mga kaso nga angay ipasaka sa Sandiganbayan mao ang Ombudsman, apan mas abtik pa kay sa pasayan si De Lima aron kapanalipdan ang mga alalay sa administrasyon.

Tan-awa ninyo ang Senado, wala nay tarong nga sesyon aron pagpasar og mga balaod tungod sa kabisi sa mga senador pagpanagan sa pasangil sa binuang sa pork barrel.

Angay badlongon si Senador TG Guingona sa iyang pagbukas og laing imbestigasyon. Human na ang imbestigasyon sa iyang Blue Ribbon Committee ug nakahimo na kini og rekomendasyon. Ayaw na!

Kanang hard disk drive ug Napoles affidavit mga ebidensiya kana sa kaso sa mga nalambigit niini nga dili na angay pa’ng hilabtan ni Guingona.

Sumala pa sa atong tinubdan nga si Guingona ra g’yuy ganahan nga ma-convene og balik ang Blue Ribbon Committee alang sa Napoles affidavit ug Benhur files.

Sumala pa nga wala nay tunga-tunga si Guingona sa Senado tungod kay kun motambong kini sa caucus sa mga senador, kanunay siyang mapilde kun iyang iduso ang pagtigum og balik sa iyang komitiba.

Gusto sa mga senador nga pasagdan na lang ang Ombudsman pagdesisyon kalabot sa Napoles affidavit ug Benhur files, apan si Guingona ganahan kaayo’ng mag-grandstanding. Pero kun mag-monitor ka sa mga proceedings sa iyang komitiba, wala g’yuy ayo. Layo ra kaayo siya sa iyang amahan nga kanhi senador.

Ang nakalawgaw ning imbestigasyon sa pork barrel mao kana si Guingona ug De Lima.